حملة تعريف بنى سويف

حملة تعريف بنى سويف : تعريفيه لنطاق خارج المحافظة .. خدمية داخل المحافظة .. نتمنى الاقتباس لتكوين روابط فى كل المحافظات فالاهتمام بالمحافظة يقلل علينا المسافه للنهوض بمصر

محافظة لم تولد بعد .. الاعلام يتجاهلها رغم وجود مزايا عدة ليها 
فقررنا نكون القناة الخاصه ليها مش محتاجيين الاعلام يتكلم على بلدنا

فين بنى سويف دى بقا انشاء الله ؟؟!
سؤال من ناس كتيرة و الغريب انها فعلا محدش يعرف موقعها على الخريطة اللى يقولك دى تحت خالص يا عم عند اسوان و اللى يقولك لا يا جدع دى اصلا قريه و تابعه لمحافظة قنا .. ؟؟! هنعرفك موقعها علشان احنا محافظة حقنا زى حق اى محافظة تانى 

عجز الاعلام عن وصفها .. مش هلوم الاعلام لانه حقه 
لان البوابه الالكترونيه الخاصه بالمحافظة نفسها عجزت عن تعريف الناس اللى فيها ما يدور فى محافظتهم ..

احنا قررنا نشتغل بقا .. محافظتنا مش مستعر ان انا منها 
دعمنا لو انت من برا البلد - شارك معانا لو انت منها - بكرا بلدنا احسن 

هندافع عن المظلوم فيها لانه مالوش صوت للاسف .. هنشوف النواب الكرام بتاعتنا بيعملو ايه لاننا للاسف مش بنشوفهم .. هنتتبع اعمال المحافظة و السيد المحافظ

هنناقش كل مشاكلها و هنوصلها لكل المسؤلين 

هنعرفك اللى عمرك ما عرفته عن بلدك و هتستغرب للاسف لمحافظة زى دى و تكون مش معروفه .. 

أحنا من البلد دى و هنعلى اسمها بمواهبنا و فكرنا و عملنا ( اتمنى انك تنضم - بس لو مش هتنضم اتمنى تسبنا فى حالنا علشان نعرف نعملك حاجه فى بلدك - هنعملك اعلام بجد مش اعلام متفبرك لكل جانب مع احترامى للجرايد اللى جوا المحافظة )

الحملة ( شبابيه - ثقافيه - علمية - اخباريه - خدميه - رياضيه )

ازاى ممكن اساعد فى الحملة :-
انشرها على بروفيلك ما هى بلدك زى ما هيا بلدنا
اتكلم مع اصحابك عنها 
فى مشروعات كتيرة اوى هنحاول نعملها و هندعمها حاول تشارك معانا حتى لو مجرد اراء على النت 

https://Fb.com/BeniSwief
https://twitter.com/BeniSwief
https://Youtube.com/BeniSwief