صورة نادرة لطربوش النهضة المصرية سنه1921

دى بقا ملهاش علاقه ببنى سويف (بس يا ريت نقراها و ناخد معلومة جديدة منعرفهاش)
دى صورة نادرة لطربوش النهضة المصرية سنه1921

طبعا معندكش اى خلفيه عن ايه دا ولا معلومات عنه ولا عن مشروع القرش ؟؟

مشروع القرش : كانت مصر تستورد الطربوش من عدة دول الى ان قرر محمد علي باشا عمل مصنع طرابيش، وبالفعل عملوا مصنع سنة 1828م ولكن كانت المواد الخام بتيجي من النمسا ، مشيت الحياة على كده لغاية سنة 1933م، ساعتها قام شوية شباب وقالوا عيب نستورد الزي الرسمي بتاعنا من بره، وقرروا بناء مصنع لصناعة المواد الخام وكانت المشكلة في التمويل، فاقترحوا فكرة جميلة وهي إن كل مواطن مصري يتبرع بـ ( قرش ) لصناعة هذا المصنع، وكان ده شيء إجباري إن كل واحد يتبرع بـ ( قرش ) ومش عيب إن الشعب يساعد الحكومة من فلوسه طالما في صالح الوطن .

وكانت الفترة دي بتحاول كل منظمات المجتمع توجيه الشباب إنه يكون إيجابي ومُحب لوطنه، شوفوا الشعارات وقتها كانت بتقول إيه: ( احتقر كل ما هو أجنبي، وتعصَّب لقوميتك إلي حد الجنون، لا تتحدث إلا بالعربية، لا تلبس إلا ما صنع في مصر، احفظ نشيد أسلمي يا مصر – ده النشيد الوطني وقتها – , ورتله في كل حفل، ابعث مجد مصر )

المهم في الآخر اتعمل المصنع وسموه ( مصنع القرش ) وكان في العباسية , كان الطربوش الواحد بيتصنع في 3 ساعات، لو دققنا في الصورة هنلاقي على باب المحل حاجات محطوطة، دي قوالب من الخوص مختلفة المقاسات، كانوا ياخدوا القالب الخوص ويحطوه على قالب نحاس ويحطوا عليه المواد الخام ( اللي أصبحت تصنع في مصر ) وهي مادة اسمها (الجوخ) وهو عبارة عن صوف مضغوط، ويحطوا كمية من القش، وبعدين ينزلوا عليهم بمكبس، ثم يركبوا عليه الشعر اللي بينزل من الطربوش ( اسمه زر الطربوش )
وكان الطربوش له عمر افتراضي يبلغ 10 سنوات، وبعدها يبقى تالف
الشباب كان يلبس طربوش أحمر، والكبار أحمر غامق.

-------------------------------------------
من الصور النادرة السابقة :-
صورة نادرة لشارع الرياضى سنه 1908 من هنا :-
http://on.fb.me/SU3pOw

صورة نادرة لحى مقبل - بنى سويف سنه 1901 من هنا :-http://on.fb.me/Tc68k7

لوحة الرسام الالمانى كارل فيرنر عن بنى سويف سنه 1874 :-
http://on.fb.me/XpI424

صورة نادرة فرع بنك مصر في بني سويف سنة 1940 :-
http://on.fb.me/TyGaEW

صورة نادرة لحى مقبل - بنى سويف سنه 1925 :-
http://on.fb.me/VTkwSR

صورة نادرة لأحد فنادق بنى سويف سنه 1918 :-
http://on.fb.me/RzFode
----------------------------------------------
دعم | شارك | انشر # حملة تعريف بنى سويف
https://www.Facebook.com/BeniSwief
https://www.Youtube.com/BeniSwief
https://www.twitter.com/BeniSwief

Admin / Mohamed Horus