😭😭 الإحساس نعمه 😭😭

ومفيش شك في كده .. 

إحساس الاخ باخوه 

وبامه وصاحبه وابوه 

كله اكيد رضا لربنا .. 

لو حس ابو الحبيبه

بحال حبيب بنته

مكنش مال بختنا .. 

لو اتنازلنا عن جنيه 

واحنا فالسوق 

مكنش جاع 

حد مننا  ... 

لو الفرحان حس 

بالحزين .. 

وحاول يفرح قلبه

لو بالقليل .. 

مكنش بات فينا

ابداااا حد باكي العين 

ده حال معظمنا

مش حالنا كلنا .. 

 الإحساس خلص

من أرواحنا 

واتبدل الأحمر 

بالأسود في لون دمنا  .. 

وانا خلاص لازم هسكت 

هسكت هس .. 

طالما القلب

مبقاش يحس ..

طالما الروح

مبقتش تتمس ..

طالما بكره

ضاع فالامس ..

طالما الضي 

راح مالشمس ..

انا طبيعي 

هسكت هس 

وليه مسكوتش ..

بعد مالقلب اتغدر 

بعد مالكفاح ضاع هدر

بعد مالقلم خلص منه الخبر

بعد مالعتمه ضلمت عالقمر

هسكت لازم وهطول السهر .....

كلماتي ... بوسي عامر