دمعة حبيبك💧❤️
روحي تناديك ...بعدك طال من مده
هجرك لروحي تعب وش لون تتعبها
علقتتي فيك ... واثرك ناوي الصده
وانا على نيتي ماني مخربها
الحب في نظرتك ..صاير على قده
تفصيل وإلا يكن جاهز تجربها
مدري دلع فيك .. وإلا تبغي الشده
حيرتني فيك معرف كيف تلعبها
إن قلت احبك فدرب .. الحب منسده
من وين اجي لك تجي للروح تسلبها
ابسألك لك ... مشاعر ...حيل منهده
يوم إنت تلعب بأحاسيسي وتطلبها
العشق عندك طلع ... مزحه كما جده
إن رحت وإن جيت روحك ماتحاسبها
يالترف موجي ترى يشبه بحر جده
لاهاج حاول مجاديفك تقربها
لا تقهر الّي .... عشانك .... فاردً يدّه
يتعب من اسلوبك الغادر ويسحبها
دمعة حبيبك .. من اجلك تكتسي خده
شاريك بالروح لاجل الروح ترغبها
ابنتظر .... جيتك .... والهجر انا ضده
وإن بعتني بس تكفى الروح لي جبها
شـعـــــــر
حـمـــ المـــالكي ــــدان
