متقوليش أنك بريئه من خيانتي....

واللي خانت واحده غيرك لا مش أنتي....

وأن قلبك مستحيل هيبيع هوانا..

وأن حبك ليا أكبر م الخيانه..

وأستحاله أنك تكوني في يوم غلطتي.....

يومها شوفتك وأنتي جانبه بتعشقيه

لون شفايفك وايا عطرك كان عليه

نظرة الحب ف عينيكي رايحه ليه

الوفا ع الارض ليه ملهوش مكان....

الملاك الطيب أتحول شيطان...

الخيانه والخداع والغدر بان...

هو دا الحب اللي ليا حبتيه.............

عشت برسم كل أحلامي في هواكي..

كنت بوهبلك سنين عمري وحياتي..

وأكتشفت الوقتي بس أنك هلاكي..

كل كلمة حب كنتي بتنطقيها......

تمثليه وكدبه عايشتيني فيها.....

كل حاجه بنيتها كنتي بتهدميها....

والنهاردة خلاص مليش أحلام معاكي