مجلة ليالي الشوق الالكترونية
على مـَدّ الشوف
أمـِد النظرة
وتحاول يا دوب تـِوصَل
للمس الحلم فى عنيكى
أمد دراع
وإيدى وكـَفّ مبتورة
ونظرة عينى موتورة
لكن شايف حدود وجـَعـِك
حاسـِس بيكى
وحلمى ودايرة المشاوير
ما يـتـقـــا بـلــــوش
وبنحاول ..أنا وانتِ
ونـِتـحـــــا يـِـل .
على الأيـّام
تـِمـِدّ ف روحنا بس لحد
طلعـِة شمس
ونسرق من حروف بوحنا
آخر حرفين
فى دمعة همس
رموشك .. سكة مقفولة
حدود مانعة
واتارى الضلمة عكس الحلم
بتطفى
شـُمـــوع و ا لـــعــــــــــة
وأرجع تانى من حلمى
وزاحف فوق سنون قلمى
وبـا تـشـَعـبـَــــط
فى أول سطر فى الكراس
واحاول أرسم الإحساس
وأوصف كل ما بيننا
مرار التوهة والأيام
وقهرتنا
شقا سنيننا
ويفضل نفس شكل الــَّسطــر
قصيدة
بس من غير شـَطـــر
ولا معنى .. ولا كلمة
وآخـِــر نبضة من قلمى
يودع سطر كراسى
وانا شايف ومش شايف
وشهقة روح فى أنفاسى
بتحضن قلمى وتشخبط
كلامنا كله يتلخبط
ولسة برضه متعشـِّم
خيال الحلم لو علـِّم
على عنيكى
ويمكن قـِصـِّتــى تـِكـمـَل
قصيدة شعر من وجـَعأـِك
ولو وقتى ما يسعفنيش
سيبيها حروف على كفنى
على قبرى
وحـُطـّى عليها ميت عنوان
دة شاعر
بس بالأحزان
وراح حلمه مابين سطرين
ما بين حرفين
قصيدة عشق ما كملشى
..........
بــقــلــــــم ا لـــشـــــا عـــــــــر
أ بـــو عــــمـــــــــا ر ا لـــــمــــصــــــــــــــر ى
