**صرخه بحرقه من القلب**بقلم الشاعر / يوسف الحمله**

صرخه بحرقه من القلب

…………………………

فين الشباب ؟؟؟؟؟؟؟؟؟

فين زهرة الأمه ٠ ٠ ٠ إاللى غاب ؟

فين العماد إللى حلف

هيشيل علي كتافه التراب ؟

فين رحلة نهضة شعب مجَرحه

طول الأمل وطول العذاب

لما إيديه إتشققت والحلم داب

لما إتحطم وفى النهايه

كل شئ أصبح سراب

في إيدين غريبه متبته

بتموت فى الخراب

فين الأمل في عيون حبيبه

وحلمها كتب الكتاب ؟

عماله تمسح دمعها

فى وقت المصاب

مش قادره تشفى جرحها

من غدر صاب

لما إنغدر بيها فى لحظه

من غير أسباب

……………………………

كل الحريم المسلمه

وأهل الكتاب

مصريه

سوريه

تونسيه

يمنيه

لبييه

أردنيه

عراقيه

مش مشكله بُعد الأماكن والديار

دول كلهم ضاع حقهم

فى عيشه حلوه

أو أمان من الحكام ( الكلا )

صبحوا فى إيدين البلطجه

زى الفريسه إللى مابين

أنياب الذئاب ٠ ٠ ٠ والكلاب

متفرقين

متبعترين

ومتغربين

فى بلادهم كما الأغراب

…………………………

أدى الوطن

وأدي الزمن

وأدى الإصحاب

وإللى حواليهم

مش حاسين بيهم

وفى وشهم

قفلوا الأبواب

وإللى سَكت

وإللى سَكر

وإللى هَرب

وإللى إنفَجر

وإللى هجر

وإللى إستتاب

وإللى إنسحل

وإللى إنطحن

وإللى إندفن ( حى )

وإللى إنسجن

وطلع م السجن بالكفن

علشان نطق مره

وقال الصواب

علشان طلع له صوت

شق الضباب

يصبح خطر

عايز عقاب

…………………………

صرخه بحرقه من القلب

بقلم الشاعر / يوسف الحمله

30/1/2015