((في يوم حزين ليله حزين ))بقلم /Abo Eyad

Abo Eyad‏مجلة ليالى الشوق الألكترونية
‏7‏ ساعات · Facebook Groups for Android · في يوم حزين 
ليله حزين 
مافيش في سماه ضي القمر 
جانا الخبر 
ابنك خلاص 
اخوك خلاص 
صاحبك خلاص 
دموا اتهدر 
أصله دا كان جندي 
ميدان 
شايل روحه علي كف الخطر 
أخويا مات 
وصحبي مات 
وجاري مات 
أخويا كان جندي ميدان 
بيدفع ضريبة الوطن 
وصاحبي كان 
دكتور كمان 
بس خساره فكره اتهدر 
وجاري كان 
احساس أمان 
أصله دا كان ظابط ميدان 
كله بيدفع الثمن 
قولنا زمان 
مش بالبارود هيكون أمان 
ولا يزيل فكر البشر 
مات بفكره 
وجوه عقله انه شهيد 
مات في الميدان 
والكل بيقول عليه شهيد 
يا أهل البلد حد يلحق البلد 
ويطفي النيران 
قبل ماتحرق كل البلد 
خلو أمل لكل طفل بيتولد 
اصحوا وفوقوا وبلاش نضيع البلد 
أخويا جندي علي الحدود 
حامل سلاحه علشان يرعب اليهود 
وصاحبي كان عالم في علمه نفسه 
يبني بفكره البلد 
وبعمله برده كان بيرعب اليهود بره البلد
وجاري دا كان ظابط همام 
رمز الأمان 
وكان بيحمي البلد 
من كل حد خسيس جبان 
عايز يدمر البلد 
أخويا مات 
وصاحبي مات 
وجاري مات 
وكل يوم بيموت معاهم شباب كتير من البلد 
والخاين قاعدعلي الحدود 
بيضرب كاسين 
كأس الانتصار 
بيضرب في نار 
وكأس فرحة بدم الولد 
اصحوا يا ناس 
اصحوا وفوقوا 
قبل ماتخرب البلد 
مليون تحيه لكل جندي 
لكل ظابط 
لكل شاب 
لكل واحد شايل في قلبه هم البلد 
ونفسه بجد يبني يعمر يزرع ويقلع 
يحصد محبه للبلد 
نفسه بجد يزرع أمل لكل طفل بيتولد 
مليون تحيه لكل واحد بيقول أمان 
وبلاش نخرب في البلد 
مش بالبارود نبني البلد 
الفكر عايز فكر زيه 
حجه بحجه 
عقل بعقل 
كلمه لكلمه 
وبلاش بارود 
خلونا نبني البلد
مليون تحيه لكل شهيد 
دمه كان فدا للبلد