**أحزانى **بقلم ابتسام عوض حسن**

أحزانى
بقلم ابتسام عوض حسن
يا سنينى ويا غربه ضمينى
غريب وسط أحبابى
عايش وحيد فى جلبابى
موجوع أنفاسى أنين
ومين يسمعلى مين
يا دنيا ضاع الأمل
ويا غربه ضمينى
ويا جراحى إستنى
عايز أتوه منى
ماليش هنا عنوان
ولا ليا أصل مكان
بتمنى اعيش إنسان
باحلم وحلمى ميت
مش لاقى له دفنه
ولا تراب يشيلنى
مليت سنين حروبى
وتهوتى وسط دروبى
قلبى بيموت يا ناس
من الظلم ومن العتمة
وأرواح عقيم رحمة
بامشى على الأشواك
وماقولش أه ولا أبوح
قلبى عشقان ضروح
ويا عيونى سامحينى
ويا دموعى إنسينى
وإوعى تعاتبينى
خلاص سكت الكلام
ولا مره عينى تنام
فرحانه يا سنينى