( الصحبه ) ... بقلم الشاعر : عبدالواحد محمد

قولى ياصحبه وفكرينى باللى كان وعرفينى
بأن بكره هيكون جديد وأنك يادنيا هتعوضينى
يمكن فيوم الزمان يحلى وأقابل خليلى
وأسعد ويرجع الحبيب ومن جماله تنسر عينى
قولى وزودى فالكلام الشوق قاتلنى وكوينى
أصل كلمكم ليه صدى رن فودانى
متجمعين صحبه ولمه مبسطوين والله يادار 
الحبايب بيوحشونى
,,,,,,,,,,,,,,,,,,,,,,,,,,,,,,,,,,,,,,,,,,
فكرين ياولاد الساقيه وزينيتها وزنتها
والبقره دايره وموزونه فى لفتها
والميه تروى وتسقى العطش بالآرض
اليوم خلاص وقفت الساقيه والبقره 
سرقوها ونهبوها وأكلو من لحمها 
ومش ناسى دمعتها
اليوم بنروى بميه معطوبه ومنتنى ريحيتها 
بعد الخضار والفواكه ياشله الآحباب 
كوز الذره والجزره والورده و ريحتها
ولا البطاطا والبطاطس والقطن زرعه الآجداد
ماعدش غير الحزن والقعده جنب الباب
كله رحل والشجره دبلت ورقتها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أنا مش هكتر كلامى وأرغى وأقول موال
نفسى تعود يازمن أبوسويلم والخير يدق 
الببان والحال يكون العال 
نفسى فمخلص حكميم زى حكيمها زمان 
زرع وكتر حصدها وخزنه وأكل الشعب 
من عندنا فى بحرى الى الحبيبه أسوان
نفسى أقوم الصبح بعد صلاة الفجر
القى لعيالى قوت يكفيهم وأنام ومش تعبان
نفسى ونفسى ونفسى كتير يانفسى
أنا لما أكون فلاح ومراتى تقف بفرن العيش
علشان رغفين عيش تتهان كرامتها 
وأه ياعجب العجاب الريف بقى مدينه 
وبعد صحن المش والبتاو بقو يفطرو بكفيار
ونسيو جمال العسل وفطيرها وجبتنها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر 
عبدالواحد محمد