**بعد ثورتين ايه نبكي عليه**بقلم ‏الشاعر اسامة كمال عبدالودود**

https://m.facebook.com/osamakamal109

الشاعر اسامة كمال عبدالودود

بعد ثورتين ايه نبكي عليه #
( 1 )

(معزة حاز
ومعزة ماز
ومعزة ....
بتضرب بالعكاز)
بيت من القش
وبيت من الطين
وبيت بمسلح مغشوش
والديب واقف مبسوط
ثورة قامت
وثورة نامت
شهداء عاشت
وكل ثانيه
ناس....
بتموت.....
من غير متغير....
قي الحصر واحد
( 2 )
حكومة مشيت
وحكومة جات
من غير متغير
في البيانات
نفس الوشوش
نفس النظام ... !!!
عمره ممات
و(يا حمدﻻن
يا حمد ﻻن
البطيخة ليها ودان)
من قبل الزمان بزمان
بيحكا أن ...وإن
نفس الحواديت
من سلطان
لوالي. ..
لملك....
لرئيس
لثورتين.......¿¡¡
ما تغير شئ
والدام اللي سائل في الميادين
ندمان عليه ..
ماللي مات اخويا وابني
حته مني.....
مش هقول فداكي
واﻻ هغني بﻻدي بﻻدي
عشان لما واقفت في الميدان
وصدي صوتي كسر ضلوعي
هتفت بﻻدي بﻻدي
لجل متعيشي دائما في أمان
كان صوت المﻻين
حصن متين
مش هغني وأقول
أنتم شعب واحنا شعب
مش هقول ....
انتم غلط ...واحنا صح
ايه اللي جرى
ليه ادينا دايما متسلسلة
من حاكم لحاكم متيقدة
اه ......!!!!
يا بﻻدي انا بجد تعبت
ومش عايز أندم أني شربت من نيلك
واﻻ اني في يوم كنت بغنيلك
زرعي مات
وعرقي مجفش
لما بكيت قدام عنيكي متهزتيش
طب ليه عيزاني أقف خيال مائته
عرفه ليه....
عشان بقالي سنين بدور عليكي
ويوم ملقيتك ..نكرتيني
هربتي مني وانا ابنك
طيب ليه إنتي حنينه كده علي الغريب
وضناكي في أيده الحديد

( 3 )
صدقيني عمري ماتمنيت
الموت غير اليومين دول
بس كل مبوص في عيون
بناتي الصغار
بخاف من بكرة اللي جاي
بخاف حد يخدهم بزنبي
برجع تاني اترمي في حضنك
واداري جواكي عجزي
واخبي عن عنيك همي
عشان متساليش. .
وتطري تكذبي
وتقولي أي كﻻم
وتخليني أحﻻف مهكتب ليكي شعر
وﻻ أغنيلك
واﻻ هقف في ميادينك
صدقيني كان نفسي
أخرج من الحواديت
واعيش انسان
عارف ......!!!
أمتي يقول ﻻ
وامتي يقول اه
بس لقيت الحواديت جوايا
سجن كبير
كأنه كمين
معقول دة حلنا بعد ثورتين
ادينا لسه متسلسلة. متيقدة
والصوت طالع بحشرجه
خايف حد يسمعني
حد يبلغ عني
ويقول حاول يخرج من الحواديت
والله حفظها. ..والله عارفها.

( 4)
عسكر وحراميه
خلويص لسه
نفس الحكايه هي هي
أمان أيويا أمان
بس علي حساب الغلبان
اللي فطارة وغداة وعشاه
رغيف عيش حاف
لسه العصي مبتفرقش
اقول كمان واﻻ كفاية كدة
ليه الصورة بشعة بالشكل دة
ثورة قامت
وثورة نامت
والعصابه متمكنه
بتنهش عرض الغلبان
يابﻻدي فين شمس الميدان
( 5 )
معزة حاز
ومعزة ماز
ومعزة بتضرب بالعكاز
ويا حمدﻻن يا حمدﻻن
البطيخة ليها ودان
بس زهقت ....!!
نفسي اشم هوى نظيف
نفسي أعيش
اه نفسي أعيش
واربي بناتي
واعلمهم
ازاي يخافو عليكي
وازي يبنو في اراضيكي
أمتي يقولو ايواااااا
وامتي يقولو ﻻﻻﻻﻻﻻ
*******
15/1/2015