***محتاج لحضن** بقلم**احمد صبري***

احمد الفنان

محتاج لحضن
احمد صبري

محتاج لحضن يضمني
اتدفا فيه
محتاج لقلب يحبني
واحس بيه
يستاهل اديله حناني
من تعبي ارتاح معاه
مهما اروح يفضل عشاني
سكن وطن حياه

محتاج حبيبة متتوصفش
مفيش ليها وجود
غير معايا متتكسفش
تحب من غير حدود
تداوي كل جرح بلمسة
تبقى حسه نظرتي
تدوبني ف اول همسة
تبقى عايزة فرحتي

تسليني تونسني
تبوسني كتير وتدلع
تغنيلي توشوشني
معاها وبيها اتمتع
وايه يمنع الاقيها
تغير كل شيء فيا
احس بكل شيء فيها
احطها جوه عينيا

محتاج لحضن يضمني
من غير كلام
انسا التعب انسا الوجع
انسا الايام
يستاهل اديله حناني
من تعبي ارتاح معاه
مهما اروح يفضل عشاني
سكن وطن حياه