**ست الحسن** بقلم **عزة احمد**

ست الحسن
...................
ست الحسن فرحانه بوجودها
و لون الورد لايق على خدودها
قلت يا حلوه منوره الدنيا بوجودك
احزانى رقصت على رنّات عودك
........................................
و الشال الاحمر هياكل م الكتاف حته
و صوت الجلاجل مشعلله الجته
و الرجلين مرمر غزلانى
و الخلاخيل فضه قاتلانى
.......................................
و شعرها خيوط دهب تحت الطرحه
من لحظة ما شفتها و انا روحى سارحه
يا حلوه قوليلى بيتك فين
عايز اتأهل و اكمل نص الدين
و يتلم شملى عليك ياقمر
و تبقى حلالى و يحلى السهر
.......................................
و نجيب م العيال دستتين
و نحسّن النسل فى العيلتين
و محدش بقى يصحينى م النوم
انا لما استكفى لوحدى هقوم
.......................
عزة احمد