الشاعر/اشرف الشناوي ( لله بنصلي )

 

‏الشاعر أشرفے الشناويے‏ مع ‏صالون حروف شاميه‏ و‏‏47‏ آخرين‏

( لله بنصلي )

وصنعت التمثال
علشان الناس
تركعله
وعملت العجل
إله
في غياب
موسي
وصﻻتك كوسه
تستاهل 
100 بوسه
لميت حواليك
الكفار
واختارت إنك
تبقي مسيخ
وبتعمل م الخلق
فسيخ
قصرك مليان
عفاريت
كوابيس
راح تدخل
لو بابك 
مليان ترابيس
لو عندك
مليون إدريس
يوسف
راح يرجع
وب ألف قميص
وهامان راح يشهد
إنك فرعون
وإنك شقلبت الكون
وإنك غيرت
الإنجيل
وقلبت التوراه
قرآن
ونسيت إنك
مخلوق
وإنك راح
تشرب وتدوق
صدقني
بدعيلك ماتفوق
علشان ما اشوفك
محروق
زي التمثال
إللي صنعته إله
علشان ما نصلي
ورااه
راح يرجع موسي
وف إيده الفجر
والصبح عصاه
نتعلم من تاني
ولمين نركع
ولمين نسجد
ولمين الحق
يكون له صﻻة
ولمين الحق
يكون له صﻻة !!

الشاعر/اشرف الشناوي

البرامون _ المنصورة