Dina Ibrahim
و كان بيعزي فيا الناس و أنا عايشه
و عشت خيال بدون أحساس
ساعات يمكن بكون طايشه
و إيه فايدة كلام الناس
يارب أنت آللي عارفني
و حتى لو قالوا بإني هعيش و أموت بروح بايشه
ف عارفه أنك هتنصفني
و لكن خوفي من نفسي ساعات بيزيد
فأشوف الدنيا تجرفني و ترمي بعيد
بخاف من وصف كل الناس لألاقي الوصف كتّفني
و أسوء وصف يشبهني
بأني عابده للتجديد
و يؤسفني أقول أنه بيوصفني
لكن مين قال بإن حبي للتغيير حقيقي خطير
دا أصلاً شيء يشرفني
دا أحلى ما فيه بإن الدنيا من غيره ف حالة تجميد
ساعات يمكن بألاقي الغيب يخوفني
لكن أجمل ما ف التجديد ساعات بيفيد
لكن عارفه يارب بأنك الخالق و أنا المخلوق
و عقلي معاك كما المعتوق تملي سعيد
و ف الدنيا مكنش بليد
ساعات بأدعي بجملة ربي عرَّفني
عشان جوايا بيقولي بإن حبي للتجديد هيصبح يوم يكتفني
فألاقي عقلي بيقولي لازم تغيير بتغيير فكرة التغيير
لكن قلبي حقيقي عنيد
و بيقولي و مين يقدر يوَّقفني
و أحس بإني مش نفسي كأني خيال
ساعات ببقى خيال فعلاً
فأتمنى .. يارب أوعدني راحة البال
و أحسني فاضيه من جوا
فأسمع من كلام الناس دا موتها حلال
ساعات بأسمع ياعيني عقلها أتجنن .. ياعيني دماغها مضروبه
لسان الناس أكيد محتال
بيلعب بالكلام كله و أبسط كلمه ملعوبه
بيلعب لعبة الحيله
بفكرة إني محبوبه
و مسموحلي كمان أختار لكن جوايا مغصوبه
فقالوا ساعات دي منكوبه بعقل خفيف
ساعات بأسمع دي مغلوبه .. ضحية فكره أحياناً بتيجي تخطيف
فأعيش عكس آللي جوايا و أقول حبة كلام تخريف
يارب أنت آللي تعرفني
زهقت خلاص من التزيف
