قصيدة {كلام ف السر} الشاعر هشام عوض محمد

كلام فـ السر
**********
*****************
كلام فـ السر ماطلعشي
بحبه وهو مش حابب
ورغم الجرح مانشفشي
وكان من رمشه ليه صايب
عاملي كأنه مايشوفشي
ويمشي بتقل مش تايب
ويرمي بسهمه مارحمشي
ولابيهمه أو هايب
حرام بالله ماتظلمشي
وحن شويه .مش واجب
أنا من العشق مابنامشي
وطول ليلي منيش طايب
بفكر ليه ماتسألشي
ماكنا فـ نعمه وحبايب
وكنت حلفت ماتفوتشي
وانا فـ الحب فيك دايب
وليه عـ العهد مامشيتشي
وفين الحب ليه غايب
أنا على الهجر ماقدرشي
كفايه أخدت فيه نايب
وكلمة بعد ماتقولشي
تعالى حبيبي نتعاتب
دا مهما عملت ماتهونشي
وجوه القلب مش سايب
*****************
**********************
بقلمي ... هشام عوض محمد
الاربعاء ... 17-12-2014م
******************