جارى التحميل
استخدم زر ESC أو رجوع للعودة
ماتزعليش علي أنه سابك وأنه ضل الطريق لبابك
أو قال زمان عاشق جنابك واتمني انه يبوس ترابك
والوقت مع غيرك وعادي وحبه بقي ذكري لعذابك
اصبحتي عادي وعنده خلاص مابتساويش
ده لانه اصلا كان غاويكي مش شاريكي فامتزعليش
ماتزعليش علي انه راح او فات جراح تألمك
ده درس ليكي في الحياه لاكن كتير هايعلمك
انك لغيرك ماتعشيش
وعلي الي راح ماتندميش وماتزعليش
اصل الهوا او الغرام عمره ماكان يوم بالكلام
الحب مش نزوه ده بيت وعزوه يعني امان
وهوا كان يامشطره في كلمة بحبك والسلام
وعمره ماكنلك تمام وماتقوليش بعده مافيش
لأ حبي تاني وماتخافيش ولا تزعليش
ماتقوليش انك كبرتي والعمر بيكي راح وولا
ودوري لشمس قلبك علي قلب يبقي ليكي ضله
تلاقيه معاكي في شدتك يحميكي من قهر المذله
يداويكي من كل الجراح وتلاقي نوره عليكي هله
مش حد يبقالك مسله في ضهرك يخونك
وقدامك يكون زي الملاك ويعمل ولا الدراويش
وماتزعليش
==========كلمات محمود بكر========
