صباح الخير يا اعلام
...............
اللى واضــح ..
اننا خيـــل الحكومــه
ان شــكيــنا الحِــمل مــرَّه
يلعنـــوا مايتـين أبـونا
و ان خـدمـنا العــمر كـله
بالرصاصــه يرحلــونا!!
ويكأن الموت مكافـأه خدَّاميـنهم
اللى منهم
......
و اللي جـنَّك ..اللي مـنَّك
اللي عايـز يمحـي من أيامه انـك
كل حـرف فِ عمـره انت رسمتــهـوله
وان تحت القـبَّه مـش مدفـون ولِّــى
اللي ميِّـت
برضه من خــيل الحكومه
و اللي لابــس لبــس سادن
لسَّه ماجـن
نفسه ياكـل نـدرُه كـله
حتى لوْ حَ يجــوَّعــونا!!
و النهارده.. جم صُغارهم يركبــونا!!
مش بقول لك ..
اننـا خيــل الحكــومه!!
