الرائع / كلمات: محمد فتحي عبد الغني ( مــــاما )

أغنية أطفال
مــــاما
،،،،،،،،
فيه أيه أجمل منك ماما
إنتي راحتنا وأحلى علامة
تعلمينا نقـــــــــول الحق
وبتتمنى نعيش ف سلامة
،،،،،،،،،،،،،،،،،،،،،،،،،،،،،،
تسلمي لينا يا ست الكل
شايله همومنا ياورد وفل
نيجي نذاكر تبقى معانا
وف كراريسنا عنيكي تطل
،،،،،،،،،،،،،،،،،،،،،،،،،،،،،
علمتينا وضــــــوء وصلاة
علمتينا نرضــــــــي الإه
وتراقبينا كمان ف سلوكنا
ديت أيــــــــــوه وديت لاه
،،،،،،،،،،،،،،،،،،،،،،،،،،،
شايفين فيكي طعم الجنة
علشان حلوة وأجمل معنى
كل يوم نبوس ف جبيــــنك
وبندعيلك واحـــــنا بنتمنى
،،،،،،،،،،،،،،،،،،،،،،،،،،،،،
كل دقيقــــة تمـــــر علينا
حاسة بينا وخايفــــة علينا
ولا يوم تشكي ودايما صابرة
نرتاح احنا وعنيكي سهرانة
،،،،،،،،،،،،،،،،،،،،،،،،،،،،،،،،
كلمات: محمد فتحي عبد الغني
بتاريخ:6/12/2014