******عِنْدى كَلَامُ غيَّر ناسْ******
عندى كلام غير ناس
خلى قلوب ملهاش احساس
وقلوب أصفى من الماس
وفكر عميق بعيد
وناس بالكلمة تحتاس
الحق قوى من غير ناس
والباطل ضعيف.... لو حواليه كل الناس
الحق قوى كالجسد بالراس
والباطل هزيل مبتور الراس
كم باطل على الحق داس
والحق يعلى والباطل ينداس
كم واحد رمى النعمة تحت المداس
واللى يعرف الحق على النعمة باس
قلوب الناس فى الحق منها صافية وحزينة
ومنها احلى من التينة
ومنها زى المركب تعدينا
ومنها صلبة تقسى علينا
ومنها على الهلاك تودينا
ومنها لا هى منا ولا علينا
احكى لقلبك قول على طول
ان الدنيا مش هطول
ناس فيها بتاكل فول
وناس مش رضيها عجول
ميت ميت مهما تقول
والحق هيفضل موصول
د\ محمد حسن 6\11\2014
