الرائع / حسن هادي الشمري الشمري "مــوال خــوف.. "

مــــــــــــــــــوال خـــــــــــوف..
إشمالـّﭻ يا شمس ميتّه
ليش ضيعتّي النهار
ورحتّي منّه بعيد سكتّه
وغافلاه الليل
من شافه غريب
وباكَ منّه الليل وكتّه
وتيهانا الليل بدروب الظلام
مثل عميان ونصيح
إيرّد علينا الصبح يمتّه
والمضيف إنطفت حتى عيونه
من كثر البـﭽّـي
إيتاني خطار
إليمّر غبشّه بحرثتّه
وصارت الكَهوه
مثل لون التراب
ماكو نار ...
وتغفى بأحضان الدفّو
ويّ الكَهوه دلتّه
والعكَال إتوسد إيده
ونام بأطراف المضيف
ماتت الهيبّه أعلى راسه
وطاح ويّ البشّت بختّه
سكتّه ... سكتّه
ماكو حيد !
اليكَعّد بصدر المضيف
إيلوچ بسنونّه الحـﭼي
ويّ الرصاص
ويطكّ برنّو
إيجيب كَوه الشمس
من ليل الحرامي
إيصوغ منها كَلاده لإخته
من قصيدة / مــــــــــــواويل للوطـــــــن