الشاعر احمد ابراهيم
مات الضمير
=======
بقلم الشاعر/احمدابراهيم
===============
مات الضمير والجرح نازف ف الطرق
بكيت دموعك يابلد
مين اللى عاش فيكى ومات
مين فيكى بفرحة اتولد
انا دمى سال شريانى جارى بالألم
لما الولد جوه الصراع و اتخنق
واللهى دمعى جارى لسه ع الورق
واللهى جرحى بيه حرفى اللى كتب
جواكى دمعه يا حبيبتى
وانا حلمى كان حبة فتات
مش حلمى كان حبة دهب
حتى الولد واللهى راح
والحلم جوايه انتهى لما افترق
عن عيونى الولد
ده كان حياتى وروحى
كان عكاظ عليه قلبى اتسند
راح الولد عشان رخيص
من غير سبب
مات الضمير والفرح
جواكى اتشنق
مات الضمير شالله
ياسيدنا يا امير
احنا عبيدك يا كبير
والله عليكى يابلد
===========
بقلم الشاعر/احمد ابراهيم
