مالك العالــــم ملك عاشورك *** ياحسين ومنهــو ياخذ دورك
الله عــــــلاك *** قـدوه خـــــلاك
----------------------------------------------------------
1= العالــــم بأسره شغـــف حبك يقوده ** أكــــبر وأكـــبر غــرامك مــن حدوده
بكل شبر مرفوعه ألك رايات سوده ** أمتدت أمـن البصره للصين وسدوده
------------------------------------------------------------
غـــاندي مـــنك تعلم زوده ** ثبت عـدهه وما تركهه حدوده
مـــا تخطاك ** قدوه خــــــلاك
****************************************************************
2= الدنيه ضلمه وتستمد منك ضواهه ** ومن هواك الشجره تتنفس هواهه
جـــــدك أبراهـــيم لمن ما بناهه ** الكعبه دمك من جره بالطف حماهه
-----------------------------------------------------------
أبرهه وفيله السحكهه ضلوعك ** ماكدر مــــــولانه يطفي شموعك
ثورة أدمـــاك ** قدوه خـــلاك
****************************************************************
3= شكد سلاطين أنتهوا بس أنته باقي ** كلشي يعــــتك بالزمان وباقي راقــي
أشكر الله وأحمده كـــــبرك عراقي ** بعدد حـــــبات المطر ليك أشتياقي
-----------------------------------------------------------
بيك أسولف فـــضلك مغطيني ** منبرك مو والـــدي مربيني
كلبي يهواك ** قـــــدوه خلاك
****************************************************************

4= وين مـــاتنطلق ثوره القائد أنته ** وين ما يصرخ فقــير أركضت عنته
أنقلابك عالضلــــم لمن علنته ** أنــــتصارك دائمي بالطــف ضمنته
----------------------------------------------------------------
ماكو سلطان الوصل سلطانك ** دنكت تــــيجان يــــــم بيبانك
مجـــــد ناداك ** قـــــــدوه خلاك
******************************************************************
5= أنته صاحب مملكه جدا عضـيمه ** يعيش بيهه صاحب الفطره السليمه
ياعزيمه بروحك تعيش العـزيمه ** الــــناس التضدك عـــــواقبهم وخيمه
-----------------------------------------------------------
نحرك الديـــــن ودماك حدوده ** منهو كدك قــــــدم المعبوده
طه ســـــماك ** قدوه خــــــلاك
***************************************************************
6= ماتهمني الناس مـــادام أنته راضي ** كلــــبي مغرم والعشك خلــيته قاضي
ماضي يحسين بخدمتك وبقه ماضي ** كلبي لو عافك دقــــيقه يصير فاضي
----------------------------------------------------------------
بيك عــــايش يلي عـــــايش بيه ** أمــــــــشي وياك بصفات النيه
العالي غــــــــلاك ** قـــــــــدوه خلاك
**********************************************منيح**********************
خادم العتره الطاهره عبد الجليل علي المالكي .