وحشتيني .... سامية سليمان محمد

وحشتيني يا أغلي من ضيا عيني
وفوتيني وبعدك كان علي عيني
أنا مشتاق وباكتب لك علي لاوراق
ومش قادر أنا والله علي لفراق
وشوقي نار بتكويني - وحشتيني

ياساكنة قلبي ياسمرة
هواكي في الفؤاد جمرة
ونفسي أرتوي بنظرة
واشوفك حتي لو مرة
وإمتي ياروحي ترويني - وحشتيني

ياساكنة في حشا قلبي
تعالي قربي جنبي
تناديني وانا البّي
وأسقيكي كاسات حبي
وحني عليّه واسقيني - وحشتيني

ياساكنة النجمة ف العالي
ونجمك في الفضا يلالي
حبيبتي شوفي صار حالي
عذاب ووحدة طوالي
ومين غيرك يواسيني - وحشتيني

واصبّر آه روحي بروحي
وطال صبري علي جروحي
وامتي ترحمي نوحي
وابوح بالشوق ولي تبوحي
وتيجي يوم تزوريني - وحشتيني