جارى التحميل
استخدم زر ESC أو رجوع للعودة
يالي شايفني ومش شايفاك
انا مش بلعب هنا وياك
اكبر بقي وبلاش تتعبني
لحسن صبري نفذ وياك
يالي شايفني ومش شيفاك
أنا مش هالعب كدا وياك
مهما عملت أنا أكبر منك
ومش هاعمل زي عمايلك
يالي شايفني ومش شايفاك
أنا مش بلعب هنا وياك
داأنا لو يوم أعمل زيك
أبقي بصغر نفسي معاك
يالي شايفني ومش شايفاك
يا لا بلاش تتعبني معاك
انا هاتعود اني انساك
ماهي ما كنتشي فارقه معاك
يا ابني أبعد عني خلاص
داأنا بعد عمايك كرهت الناس
ماهو مبقاش فيهم اخلاص
وانت كمان لازم تنداس
ماانت نسيت معني الاخلاص
وان سالوني في يوم الناس
عنك . راح اقول ابني مات خلاص
باعني ومش راجع تاني خلاص
يالي شايفني ومش شايفاك
خلاص انا مش هارجعلك تاني
ما انت اخترت انك تنساني
وروحت نسيت شوقي وحناني
يالي شايفني ومش شايفاك
يا ابني كفايه بلاش تمثيل
لاجل تعبت أنا من التعليل
كان قلبي شايلك حب كبير
مات من كتر التبرير
يا ابني روح وابعد عني
اتمني اشوفك متهني
يا ابني بقولك لف ودور
انا مش هارجع مهما تثور
اصل في فلبي منك ياما
ما انت سيب لي الف علامه
وانا مش هاندم مره عليك
ولا هاتشوفني يوم بعينيك
واكبر ياابني بلاش ألاعيب
افهم بقي ان دا كان عيب
اعقل بقي وارجع من تاني
لأجل عمايلك مش عجباني
يالي شايفني ومش شيفاك
يالا تعالي أنا مسمحاك
راح أغفرلك وأبقي معاك
ماأنا في الدنيا مالي سواك
يا ابني تعالي بلاش تعقيد
يالا تعالي الايد في الايد
أصل عمايلك مش هاتفيد
يالا نقيد شموع العيد
يالي شايفني ومش شيفاك
يالا تعالي أنا مسمحاك
واوعي تقلي كرامتك فين
دا انت النن وضي العين
ياللي شايفني ومش شيفاك
مهما عملت أنا مسمحاك
يا ابني تعالي و بلاش تفكير
اللي في راسك مش هايصير
يالا تعالي ..
ايه مش عايز .. يبقي براحتك
انا مش هاقلق من تاني راحتك
ولازم تعرف مش راح اسامحك
وان جيت لي في يوم تاني
اتاكد مش راح تلقاني
ماانا اصلي هاغير عنواني
يالي شايفني ومش شيفاك
