دم تقيل
................
قابلته سلمت عليه و ايدى حضنت ايديه
و عينيه التهمته التهام و باست كل جزء فيه
يااااااه كان واحشنى قوى -- اصلى بحبه قوى
و من زمان نفسى اشوفه و اللى مانعنى خوفى و خوفه
احنا الاتنين كنا خايفين من ناس مبتقدّرش الحنين
و اما سمحت الظروف و قابلته و قعدت معاه و شفته
حبى زاد اضعاف-- مبقاش يهمنى ولا بقيت بخاف
قعدت جنبه و همست له و اجمل كلام فى الحب قلت له
و النسمه فرحت معانا و القمر سهر و يانا
و الكل كان فرحان سعيد-- و فجأه حسيت بأيد
بتشيل الغطا من فوقى و تقوللى اصحى يا بنتى فوقى
مالك كده نومك تقيل-- قلت خلاص صحيت يا ام دم تقيل
..............
عزة الشربينى