جارى التحميل
استخدم زر ESC أو رجوع للعودة
رسالة حزينة (الى الحبيبة الزوجة)
كان حب كبير .. كان قلب كبير ..
كان فرح وهَنا .. أكبر بكتير
وفـ ساعة لقانا .. كان هوانا .. يسهر معانا ..
ونطير ف الهوا .. نطير
كان حب صادق .. من قلب صادق ..وكان الوعد قبل ما نفارق
وفـ ساعة حزينة .. فـ ليلة حزينة ..
برسالة حزينة .. قال لي : فارق
ونتَ الحبيب .. انتَ القريب ..
وازاي بس .. انا راح افارق
**********
قدرت تقسي .. قدرت تنسى ..
وانت اللي كنت .. شط ومرسى
هان قلبي عليك ! .. هان حبي عليك ! ..
وانا اللي كنت .. ضي عنيك
فـ يوم وليلة .. يتغير الحال ..
وحنا اللي كنا ..فـ أسعد حال
فـ يوم وليلة .. تقولي لي : فارق
وف ساعة حزينة .. فـي ليلة حزينة ..
برسالة حزينة .. قال لي : فارق
ونتَ الحبيب .. انت القريب ..
وازاي بس .. انا راح افارق
**********
إن كنت في بٌعدي هتبقى سعيد ..
وأحلامك من بَعدي .. هتبقى جديد
انا مسافر .. مسافر .. بلاد بعيد
وهاصبر واستنى .. وهاعيش وأتمنى ..
منك رسالة
والله صعب .. الفراق .. دَ صعب
صعب على أي عاشق ..ان حبيبه يقول له : فارق
وف ساعة حزينة .. فـي ليلة حزينة ..
برسالة حزينة قال لي : فارق
ونت الحبيب .. انت القريب ..
وزاي بس انا راح افارق
**********
اشعار .. سعد المهدي.
