اصحاب بقلم عزة الشربينى

اصحاب
.............
مش لازم عشان نبقى اصحاب
تخرج خبايا قلبى و تتفرج عليها
مش لازم عشان نبقى اصحاب
تمسك جراحى فى ايدك 
و تضغط عليها
انا قدامك بضحك و سعيد
كفايه عليك تشوف 
الحته دى منى
كتر السؤال يا حبيبى بيألمنى
و مدام ما حكيتلكش من نفسى
اكتفى بضحكتى و احترم همسى
و بلاش للحزن تسلمنى
انا كفايه عليه ربى
اكلمه و يكلمنى
طول الليل سهران اناجيه
و ربى يهدينى و يطمنى
..............
عزة الشربينى