ياقلبي
*****
حاسه بيك ياقلبي
حاسه بيك موجوع
وألمك ياحبيبي
غاير في الضلوع
أفديك بعمري ياعمري
ولا يوم تكون موجوع
دا انت حياتي ودنيتي
ولا صوت غيرك مسموع
دا الداء ياحبيبي دائي
ولدواك عاجز ومش لاقي
أشكي لمين علتك
وأحكي لمين الباقي
أنا قلبي عليك حبيبي
قلبي عليك محروق
ماهو دمي في قلبك
بيجري جوه العروق
وصدري من الالم
ياحبيبي عليك مشقوق
اياك ياقلبي تتوجع
واياك تقول الآه
دي النار ياحبيبي بتحرق
والكون يسمع صداه
أنا ليه مين غيرك
يا حبيبي هاخاف عليه
وهو مين غيرك
أنا راح أبوس ايديه
دا انت عمري اللي فات
وانت عمري اللي آت
انت الماضي والذكريات
انت أهلي وناسي
وانت كل احساسي
ومن غيرك ياحبيبي
أنا راح أقاسي
وأوعاك يا حبيبي تسيبي
أوعاك ..
أوعاك تكون قاسي
صغاء عبد ربه
