عينى عليك ياوطن :-
==========
عينى عليك ياوطن
ولى زمان حطين
ماتقولش فينة قطز
ولا فين صلاح الدين
الناس خلاص يا شقشقي
أتقسموا صفين
صف عايش لمتعه
وصف ساب الدين
ماتقولش إن العرب
كتروا بقوا ملايين
السيل كتير والغثاء
والبحر مليان طين
لكن زفارة السمك
بتشد ناس طفسين
عشان كده يا صديقي
القدس ليله حزين
وبلادنا قول كلها
مليانه أفاقين
منين تحرر وطن
أحراره بقوا نايمين
القوس لهم مرجحه
والسهم بقى إسفين
وتقول نصيبنا وقدر
يا ريت نكون مجانين !!
أحسن ما نبقى غجر
والاسم ناس عاقلين
الله يعوض علينا
عوض الصابرين
ونشوف بلاد العرب
من بكرة متحدين
يرجع زمان الرجولة
ويعود صلاح الدين
بقلمي ،،
على مصطفى ،،،
3/8/2014 م
أعجبني
