××× أموت على العراق ×××
ما مرتاح...!!!
والدنيه زعل ....
وياي
ما مطلوب ....ولا ديان ....
لا فيني
ولا مره ...تجاوزت حدود الأدب....
ويه الناس
ولا دمعتي ....نامت بالجفن ...
وعيوني شافت يتيم ...
والعبره ......
ماخذته
تفضحني ...
مثل واحد حزين....
ويسمع المقتل
والشفايف...
جنح طيره...
ماخذه الرفيف
والحجي يتبعثر
يا ...موال روحي ....
شكد حزن شايل ...
من حزنك الناي...
خنكَته العبره
انا على الوطن ....
غيرتي كبره
من ينخدش....
ما أنام ليلي ...
جن ميت ابوي ....
وروحي يم كَبره
والأكثر بعد ....
تطكَـ روحي قهر....!!
والغيض.... ياخذني
من اشوف اخوي العراقي ...
غثه سموم الصيف ...
وتعده على ....الوجنات...
والشفه
واموت أكثر بعد ...
من ينداس... طرف هدم العراقية ...
تكَول نداس كَلبي ...
بجدم مكروه
واصير مكَطوع النفس ....
ميه بالميه
تعال... لا تكَول أنا شعليه
ولك هذا الوطن ..يعثر ...
كلمن خان اسمه
وتفل... بمايه
