(((((أقولك بس ايه تانى)))))
احدى أروع (((أغانى الجيل الذهبى))) من كتابى الاخير
..................................................
(((((أقولك بس ايه تانى)))))
بحبك حسها قلبى
وبحلم انى اكون ليكى
ولو يوم حس بيه قلبك
هعيش العمر اغنيكى
هغنى الشوق ف لياليكى
ف عينك لما اشوف السحر
ورمش عنيكى يخطفنى
ويقتل فيا حد الصبر
وانسى الدنيا والعايشين
وتبقى لقلبى بالملايين
واعيشلك وحدى طول العمر
يا عينى يا حته من قلبى
يا واخده منى طول حبك
اموت ف عنيكى والبسمه
واقول يا حياتى دى قسمه
نصيبنا نكون حبيبتى لبعض
اقولك ايه
كفايه انا تهت من نفسى
خدينى ودوبى فى حسى
ف احلى غرام
يا اجمل طعم ف سنينى
حياتى عمرى وحنينى
اقولك ايه
اقولك بس ايه تانى
معايا بتبقى وحشانى
بحبك عمرى وحنانى
بينسى انا مين
اتوه ف الرمش والننى
وروحى بتنخطف منى
الاقى روحى سبقانى
ف احلى حنين
اقولك ايه
بروحك اسكنى روحى
وحسك بس حسينى
يا ساكنه النن ف عيونى
وحنى بشوق وضمينى
انا المسكين
اقولك ايه
هكونلك يوم سحابة صيف
تمطر ورد لياليكى
وجواكى هكونلك طيف
هيسقى فل اراضيكى
أقولك ايه
اقولك ايه كفاية كلام
وفلبك جوه قلبى ينام
كدا تنسيه
اقولك بس ايه تانى
هيامى وعشقى وغرامى
حياتى يا كل وجدانى
وعمرى خديه يا سحرانى
و أقولك بس ايه تانى.........أقولك ايه أنا تانى
......................................................
شاعر الروائع/ أشرف فؤاد السمادونى