جارى التحميل
استخدم زر ESC أو رجوع للعودة
مصر باقيه \ بقلم الشاعره شيماء يوسف
ياللى اكلتو من خير مصر وشربتو من نيلها
عيب عليكو تخربوا فيها وتطفو قناديلها
تحت التراب رفات اجدادكم لسه يحنلها
تشترى فيكم وتخاف عليكم وانتو بيعنها
ياما لبستوها السواد وبكتوها وهديتو حيلها
بس مصر ولاده رجال ان مالت بتعدلها
وشعب عظيم يزرعلها ويصنعلها ويبنلها
وان كنا اليوم فى ضيقه ربك بكره يعدلها
من افعالكم كلنا خلاص اتبرينا منكم
ابكو بدل الدموع دم يجرى على خدودكم
واستغفرو ربنا يمكن يسامحكم
او ترجعوا ليه فى الا خره يحاسبكم
سينا دي ارضنا مش ارض اسيادكم
ارض البطولات والدم اللى سال فيها بيلعنكم
بتدعو الأ سلام وانتو ابعد ما يكون عنه
بافعالكم تشوهو صورته وتسببو في ذمه
تحللو قتل البريئ وتسفكوا دمه
وتيتموا اولاده وتحزنو امه
تبيعوا نفوسكم للشيطان وعليه بتتلموا
وتبيعوا الوطن وتزودوا همه
تقابلوا ربنا ازاي والدماء ملطخه اديكم
هو انتم مسحورين ولا فيه غشاوة على عنيكم
مش بقتل الابرياء هترضوا ربنا يا مخدوعين
واعرفوا ان القاتل يقتل ولو بعد حين
مصر باقية مصر جايه وانتم رايحين
ذنبه ايه مجند يموت دا دم المسلم حرام
دا كان واقف يحرس حدودكم وانتو نيام
دا كان يصوم ويصلي ويوحد الرحمن
جيتو لينا منين يا طيور الظلام
يا مفسدين في الارض مش هو ده الإسلام
دا دين محبة وسماحة واخوة وسلام
تزول االكعبة ولا يتقتل مسلم
قال لنا كده رسولنا محمد خير الانام
وفي النهاية سلامي لكل مصري غيور على بلده
وقت المحن يكون سندها وتكون هي كمان سنده
يا ابن البلد يا ابو الجبين الاسمر
ياللي بسواعدك بتبني وتعمر
وتقول بعلو صوتك انا مصري وبتفخر
ادعيلك يطول عمرك 100 سنة واكتر
وتبقى مصر باديك عروسة وفستانها لونه اخضر
واللي يخرب فيها يارب قلل منهم وما تكتر
واحفظ مصر الصبية الابيه ام الجبين مرمر
مع تحياتى الشاعر الكاتب اسامة احمد الطهطاوى
