ربيع وردك
======
بقلم الشاعر المصرى/احمد ابراهيم
======================
ربيع وردك و مش طارح

ولا هيكون فى يوم طارح

ولا هتكونى يوم ليا

ولا فيكى هكون سارح

ده انا ذكرى

وليكى شئ مالوهشى

وجود من امبارح

انا عارف ليالى البرد سكنانى

ولا مفرقه وانا عايش معاكى انين

سنين غربه

سبينى اموت هنا ع العود

وشجرة ورقى تتفرق

فى ليل عاصف

انا موافق

اعيش الجرح واعانى

حدود بنا بتبنيها

وذيدى ف البنا تانى

خلاص البعد بيعلم

قساوة قلب بيظلم

ولا احساس هنا فيكى

خلاص خليكى بقسوتك

لاانا عوزك ولا حبك

ولا ندمان على بعدك

انا بغيرك هكون تانى

هكون عايش هنا تانى

هلملم نفسى من تانى

وشد خطوتى عنك

هغيب وابتدى بعدك

ولا هرجع فى حلمك

يوم ده انا رفضك

خلاص كرهك شتايه سنين

خلاص رفضك

ربيعك مات خلاص ذكرى

ولا هيعود هنا بكرى

يدوق الغدر من قربك

لا انا عوزك ولا حبك

ولا ندمان على بعدك
================
بقلم الشاعر المصرى /احمد ابراهيم