يا صبرك علي دمعتي السودا.....
وموعودة بلا عودة
يا شربة من الكيعان....
ما خلاص.....
عيدان الصبر مقرقضاه دودة.
وماسكة لسه طرف التوب.....
وبتغني....
ومكمودة....
مسنودة...
و مشدودة رموش عينيك.
تبصي عليا .....
أطمن
أعمل نفسي قال......
نايم
و أدفس راسي.....
بين حضنك
إبنك نفسه يتحنن
لكن صدرك عليه صايم
وتزحف عقلة في صباعي
الاقيكي
ماسكة لسه عود جرجير
أصفر 
دبلان بين إيديكي عطش
أقوم من نومتي م الخضة
بتمضغي إيه
ف ده يا أمه
تهزي حاجات كانت خضرا
تقوليلي
يا إبني نام.....
متخفش
أعسعس بره الغطا
ملقاش
غير عضمك
بواقي العفش
حدودنا سرير
وحلم ملايكة
ريش في جناح
بيهفف علي راسنا
و أنت بتسندي رأسك
علي رأسي
و عاملة إنك بترتاحي
فأغوص فيك
وأنا ساكت
أصارحك بس يا أمه إزاي
ف أقولهالك
مجفياني الشوفة
من زمان يا أمه
و قلبي
مابيحلمش
‫#‏محمد_صبري‬