لحظة عشق
***********
قلبه وطى
علي ضلها وباسو
فيه حبيبه حتى ...
ضلها... بينباس 
لفت ف لحظه
غمرها احساسه
جريت لحضنه
مهمهاش الناس
باست شفايفها
جبين حلمه
وشفايفه باست 
عبير ضفايرها 
همست بحبك
يا.....
(حروف اسمه )
همس بحبك
يا ......
(اللي مالوش غيرها)
الصوره وقفت
من كل ابعادها
والوقت م الزهوه
انكسف يمشي
(اشتقت لك)
فضل يرددها 
(ف حضنك انا)
حبيبي متخافشي
يااااااااااااااه 
ياه ع الحياه 
لما تتحول بلحظه
نهر غامر
قلبه من كل 
اتجااااااااااه
لما نبضه 
ف روحها ...
يسري
يحيي..
الف حلم 
تااااااااااااه 
لما ضمة روح
لروح
تخلي جروح
العمر تسكن 
هوه ممكن ..؟
ان خلايا الروح
بتحضن ....!!!
وان القلوب 
م الاشتياق 
تفضل تهنهن
والحضن 
يطبطب ع الوجع
ويفضل يهنن
ايوه ممكن ...!!!
لمسة الام
لوليدها 
ساعة تضمه
لصدرها ف لحظة
حنين
دابو وسط
الضمه لما
صارو اشبه 
بالعجين 
المطره نزلت
م السما 
مسحت دروب
الحزن فيهم
كل ذرة عشق
فيهم 
صارت اماني
ملونين
الزمن جاد
للنهايه
واللحظه زي 
شريط كاسيت
تخلص وترجع
للبدايه 
همس لها 
والروح بتضحك
مش كفايه ...؟؟؟!!!
قالت له 
انت مكتفي؟
قال اللي يبوس
ضلك
ف غمرة عشق
ازاااااي يكتفي...!!!
**************
هشام ابراهيم 
2/7/2016