بكاش الفرحة(يسرى الصلاحى)
----------------------------------------
اما كان القلب بِكْر
لسه ما اتفضش بكارته
لسه صافى بفته بيضا
البشر ما داسوش نضارته
لما العيد بيدق بابنا 
والسعادة تزور حارتنا 
العيدية جوه جبنا 
خبطوا على باب جارتنا 
نركب الاحلام يوماتى 
الفرح ساكن قلوبنا 
حلمنا بكاش ياخدنا
ينطلق كاسر حدودنا 
تحت بيتنا لقيته واقف
والعيال بالصوت تغنى 
سبت حزنى ويا خوفى
خدت صاحبى جانب منى
لف بنا واحنا طفنا
والسعادة فى كل جانب 
شفنا فرحه سكنا روحنا
شفنا كل الناس حبايب
كان البكاش بيجمعنا 
ضحكتنا الرايقه تروح لبعيد
وكبرناوزادت اوجاعنا
ف لقانا غياب من غير مواعيد