خليك انت نفسك
اوعى دنيا راح تشدك 
تلغى حسك تلغى اسمك
كل حاجة زايلة فيها
الا قلبك الا رسمك
شوف دى قصة كل لحظة
تتكبلك دى تهمك 
الحكاية مش سنينك
او حكاية شئ يهمك
اوعى تنسى ان عيشتك
لحظة فايتة مش بترجع
خلى يومك زى عيشتك
شمس قايدة مش بتولع
لو بتؤمن باللى خالقك
و اللى رازقك و اللى سامعك
جوة قلبك كل حاجة 
هو واهبك هو جامعك
يا صديقي لو تفكر
مش هتزعل او تبرر
الحكاية بس كلمة
ابتديها مش تكرر
الحياة دى بس واحدة
مش هترجع لو بتحلم
عيشها زى ما انت عايز
فطرة واحدة مش هتندم
انت جواك كل حاجة
انت عالم يلا انجز
ادى نفسك احلى حاجة
بالارادة راح هتنجز
نفوق شوية
د محمد وهبه