‫

#‏آلو‬.......
كام رنة جاتلك من حد بيحبك
وكام رنة بتهدك
و رنة لما بتسمعها
بتهزك
وكام مرة قولت آلو
وبعديها إتهدم حلمك
و كام رنة إستنتها
ترسم سكتك بكرة
و رنة كنت بتكنسلها
عشان ما تحيي
فيك ذكري
و كام رنة بتشدك
مرة من غرقة
و كام رنة 
بداية خطوة الفرقة
كلها رنات
آلو واحدة
أو آلوهات
وتعال معايا
إسمع
********
-آلو.....البقاء لله في والدك
)معناها قضمة ضهر(
-------
-آلو..... متغبش /بشتقالك
)بعديها الحياة بتخضر(
-------
-آلو....عايزين أي شيء من تحت
)بتنقع بعدها رجليك بميه بملح و وشك يبقي لونه أصفر(
-------
-آلو....أنا فسخت الخطوبة خلاص
و يا ريتك تكون إرتحت
)الو م الكم بتشدك.وبتقولك هتيجي إمتي /أوعي تتأخر(
--------
-ألو.......يا جعايدي.........لقينا الكنز
)و أخيرا لعبت يا زهر(
--------
-آلو.......متسمعش غير الصمت
)عاشق بس مش طايل/بألوهاته بيتصبر(
--------
-آلو.......خدمة العملاء؟؟؟
شحنت وشحني موصليش
)آلو معناها يا لهوي خسرت فلوس/ويمكن خطي يتغير(
--------
-آلو......وحشاني يا أمي
)دي بتسكن آلم غربة(
--------
-آلو......كل الحاجات جاهزة
أيوة وضبت أنا التربة
)روح سكنت عالم تاني ومشيت.ما الجسد فاني(
--------
-آلو.....يلا بكفاية بلاش تأخير
بقينا الساعة واحدة و عدت يعني
نص الليل
)الو بتزوقك علي بيتك.تجهز فيك لخناقة لشروق بكرة(
--------
آلو
آلو
آلو
-لقد نفذ رصيدكم
يرجي إعادة شحن البطاقة
)و دي نهاية محادثاتك حتي والرنات
آلو بتقول يلا إجري أوام و إشحن
و إبقي كمل الالوهات
‫#‏محمد_صبري‬