وعدي الزمان ومر الزمان...وانا لسة في نفس المكان 
و بشتري الحزن بالايام..واقول الحب ده اوهام
منين اجيب اوراق الشجر وقت الخريف ما يهل
كل ما انوي اسافر تحمي الشمس ارجع تاني للضل
لما سافرت لبحور الفرح لقيت الحزن اشتراها
وغرقت فيها الدنيا الحلوة والدمع الحزين عماها
ورجع تاني حبيبي الاولاني
ورجع وبعت لي اجيلوا
شايل قلبي في ايدوا
وبرغم السنين..والقلب ال بات حزين
لسه فاكر نظرة عينيه السهرانين
وقمره ال بيطلع بدري 
علي ضيه احزانا تبقي غنوة 
ويخلي الايام قدامنا حلوة
كروان الليل جه قبل الليل
يفكرنا بليالي نسيناها بالحب عيشناها
وصورة العاشقين ال في عنينا عايشين
يا هوا طير الناحية دي
ومر علي السهاري واقطف لنا من كل عين فرحة
سفرنا ياما سفرنا لا عرفنا ضلمة تتوهنا ولا خوف يرجعنا
والامان ال في وجودك والحنان ال في خدودك
خلي الشمس تروح خجلانة 
ايه ال في الشمس اكتر من ال في عيونك
ياما نفسي يحضن قلبي من تاني حبك
زي احضان السحاب وقت الشتا
واروح واخطف لك غصن اخضر 
قبل الليل ما يداري الشجر
واجيب لك عمر فوق عمرك 
لو كان حتي في احضان القمر
مشيت علي الشوك لما شوفت حلاوته في عينيك
والشجر الحزين طرح من اول نظرة من عينيك
دا احنا زي الشمس في بلاد الحب سواح انا وهيّ
بس شمس ما تعرف ابدا مغربّية
وفي سمانا مات سحاب وجه سحاب
وحبنا يا حبيبي رغم الزمان لسه شباب
ايه يسوي الليل من غير قمر
ومطر ساير في اراضي بار فيها الشجر