صاحت ام عباس يبني ياحسين صاحت ام عباس يبني ياحسين

آه واويلاه يا ام البنين
************
يبني تحرك روحي نار الانتظار
دمعي يجري بغيبتك ليل ونهار
صاحت ام عباس يبني ياحسين
***
كالوا العباس طر راسة العامود
زينب بباب الخيم تحسب يعود
شلون شفته بلايه عين ولازنود
لاعلم لاجود لايمنه ويسار
صاحت ام عباس يبني ياحسين
**
يمة كالولي امتلة جسمه جروح
للخيم وياك مايقبل يروح
شلون زينب شفتك وانته تنوح
هايخويه حسين كلي شنهو صار
صاحت ام عباس
**
نايمة شبول الهواشم عالتراب
وانته تنخاهم ولاتسمع جواب
عالشريعة زينب توجه عتاب
وانا اسمع من كمرنه الاعتذار
صاحت ام عباس
**
يمه كالولي بالمثلث مهول
يمه من طر جبدتك جنت شتكول
يبني صدرك صار ملعب للخيول
آه والاطفال لاذوا بالفرار
صاحت ام عباس
**
راسك المرفوع كالوا عالرماح
اذن الاذان حي على الفلاح
زينب تجيب الطفل والثاني راح
وين مازينب مشت راسك يدار
صاحت ام عباس 
**
يمه كالولي الشمر سوطه بيده
يمه يضرب زينب وتنظر عليه
يمه والسجاد ظل يشكف بيديه
آه ياحيدر علي وين الفقار
صاحت ام عباس يبني ياحسين