مدري شلون شالوا نعش الاكبر من صوب الخيم وحسين كبر
زينب واكفة على الباب تنظر شافت نعش وية الهاشمية
شالوه الهواشم للصواوين وهو يمشي وعلى ابنه شابح العين
طلعت زينب وباقي النساوين تخمش خدها وعالوجه تلطم
شافه والنفس حابس علي راح هوه فوقه وصفج راح على راح
صاحت بصوت يا زينب علي راح يخوية وظلمت الدنيا علية
بعيدة شوفتك صارت بعيدة المد ايده عليك انشلت ايده
وشرابه لا هنه ولا طاب اله الزاد
يا علي يبني اليوم ذليت والموت ياخذني تمنيت
عمود الوسط يا شايل البيت يبني بعد عندي شخلليت
يالاكبر راح قلبي وياك مارد وسهم فقدك للب حشاي مارد
العمر بعدك ينور العين ماريد اريد وياك تجمعني المنية
حسبتك تجي وي اليشيعون وتشيل جنازة امك فوق المتون
صدك بيدي ادفننك يميمون واقضي الليالي شلون ما جان
باريت لمن كبرتكم ومن ماي عيني شربتكم
للشيب يا يمة ردتكم تبنون بيت الكبر لمكم
وسافة على الدنيا خذتكم وظلت خلية الدار منكم
