حبيبي لا تون يحسين ، ونينك أسمعه ابقبري
تودعني ابدموع العين ، و أنه تجري دمه صدري
وداعك يكسر الخاطر ، أشد من ضلعي و كسري
أخافك ما ترد سالم ، و أشوفك عالترب منحور
**
تمنيت أحضنك يبني و أحفظك من غدر هالناس
تمنيت أشتم ابصدرك ، لأني أم و إلي إحساس
تمنيت ألثم ابـنحرك ، قـــبل لا يقـطعون الراس
ولكن زيــنب اتنـــفذ ، أمـــاني قلـــبي ابعــاشور
**
زينب تودع الزهراء س
يا يمه يا يمه ، يا يمه يا يمه
يـــمه أنــه زيـنب ، جيـــتچ على قبرچ
گومي افتحي حضنچ ، شبگيني الصدرچ
عندي سفر للطف ، و أحتاج من صبرچ
إدعي لــي يـــا يـــمه ، الله يصـــبرني
يا يمه يا يمه ، يا يمه يا يمه
خـــليـــنه نتــــوادع ، بالدمعه و الحسره
ويه الحسين أطلع ، و إخواني ابكتره
من يصـبح العاشر ، راح ألثـمه ابنحره
و أشتـــمّه ابصــدره ، و امصـابه يقهرني
يا يمه يا يمه ، يا يمه يا يمه
