قلبي تصوب صاحت زينب
يبن امي ولو تدري بحالي بصوابك صابوا دلالي
صاحت زينب صاحت زينب
**
صاحت عقيلة حيدرة ومنها المدامع تجري
من صغري انا مدوهنة والهظم عاش بصدري
اسم الله على اسمك يالحسن ريت على عمرك عمري
شلي بحياتي لو رحت ش...خلافك صبري
تجري دموعي بين ضلوعي
الموت اطلب قبلك يدنالي بصوابك صابوا دلالي
صاحت زينب صاحت زينب
**
ريت الذي قطع جبدتك يالحسن قطع جبدي
ولا ابقى بعدك حايرة اجرع مصايب وحدي
تدري امس انا فقدت والدي وامي وجدي
من هالمصايب والمحن كل أمل ما ظل عندي
بدمعة نوحي ونزف جروحي
بعدك ما ادري شيجرالي بصوابك صابوا دلالي
صاحت زينب صاحت زينب
**
