زفة كربلا بيها مبارلكلك يراعيها
مبروك العرس جسام والحنة وصوانيها
**
امك عجنت الحنة والايدك تحنيها امك علكت الشمعة تخاف الهوة يطفيها
متحزمة بعبايتها ماي الورد بيديها وتمسح خيمة الزفة وتعاين فرح بيها
وركضت جابت مراية بالخيمة تخليها وهيل وريحة العنبر بهدومك ترش بيها
طشت روحها ملبس وعماتك تهنيها وفرحانة عمامك بيك وحسين اليحيها
وزينب بس تعاين ليك يبن الحسن حاجيها والواجب على العريس لامة يبوس رجليها
****
ليالي سهرت برباك واعدلك واحسب للعرس يبني واعدلك
اثاري النوم تاليها واعدلك تعوف العرس وانا ابقى بعزية
**
حنينك يا قلب المن تحنة على العريس البدمة تحنة
مادري بضلع رملة تحنى على ابنها وتجذب الونة خفية
**
يبني يجاسم جيت اشمك وبدمعي احس جروح جسمك
دكعد يمن لا ظلت امك ظل قلبي ياابني يحوم يمك
**
يبني شده بالي صوابك يبني وحك فرقة غيابك
صاب القلب يبني لمصابك
**
دكعد يمن لامك ذخرها يالغذت من لبن درها
يا شوفهه ونبعة نظرها تمنت بدل عمرك عمرها
وتشيل جثتها لقبرها
**
حيف على طولك بالثرى تنام مجرع بضرب سيوف وسهام
شعاتب زماني وجور الايام غدرني الدهر والوقت مادام
**
يجاسم مشيت بضعن عنك اعاين اريدن خبر منك
بلكت تجيني وانظرنك ما طاح بيدي اودعنك
ولو شفت شبان اذكرنك يبني عفتني بصغر سنك
رملة تعنت جسم ابنها تشمه وتزيد عليه ونها
تقله يريع القلب منها امك ترة تزايد حزنها
وتطالب بشربك لبنها اكعد ورجعها لوطنها
