من قبري عزيتك وبدمعي واسيتك يبني يبني
نتلاقة بالونة والملتقى الجنة يبني يبني
***
يا علي السجاد يا روح الزجية بينك وبين الصبر بس المنية
انا والعباس وابن الهاشمية بالبقيع نريد ننصبلك عزية
من عالم احزاني جيت بجرح ثاني يبني يبني
بلا منحراتعنه والملتقى الجنة يبني يبني
***
جيت مكسور الظهر والراية بيدي بلا جفوف شلون يحملها عضيدي
مصيبتك جم مرة ذبحتلي وريدي يا هظيمة على الترب نايم وليدي
يا مصعب الحالة ودموعي همالة يبني يبني
فرقاك لوعنه والملتقى الجنة يبني يبني
***
يا علي جم خاطر بهجرك كسرته وجم قلب مجروح متلهف جرحته
من غبت عن الحبايب سكته سكته جم يتيم اليلة يتمته وهجرته
اولهم الباقر ظل يا علي حاير يبني يبني
وجروحة هظمنه والملتقى الجنة يبني يبني
***
وحك ذيج جفوفك وآثار الحبال بقبري حسيت النحر دم ودمع سال
تذكرت رغم العلل وتباري الاطفال وجنت اشوف الراس فوق عسال
محبوسة عبراتك وتباري عماتك يبني يبني
ما كاطع الظنة والملتقى الجنة يبني يبني
***
المثلي مرتاح بمنيته على التريبة لجن مو مثلك مصيبة بصف مصيبة
بهذا حالك ودفنت جثتي السليبة ولقنتها وما عفت زينب غريبة
جيت بدفن جثتي حاميت ظعن اختي يبني يبني
والما عرف عنه والملتقى الجنة يبني يبني
***
يا عليل بكل جرح عشت بحياتك غير حسرة ودمعة ماكو بذكرياتك
حتى عبدالله ولا ناكر جزاتك مثلي جازاك بوكت ساعة مماتك
جايبته لك امه يشرح الك همه يبني يبني
يصرخ رغم سنة والملتقى الجنة يبني يبني
***
