ليلة وداعك اغله من عمري
خويه بغيابك ينفكد خدري
ارحم بروحي ياحبيب الروح
لا تخليني والكلب مجروح
باجر اعيوني تنظرك مذبـــوح
ريت من كبلك ينكطع نحري
تدري بوداعك هذا يفجعنــي
خويــــه ودخيلك لا تضيعني
ينكسر كلبي من تــــــودعني
ادري من ترحل ماترد ادري
روحي ماتحمل ضيم هجرانك
ضمـــــني هاليله بين ذرعانك
دمعي ما يطفي نار صيوانــك
جن اشوف النار بخيمتي تسري
الدنيه ماتسوه بغيبة الغــــالي
بيـــــــــك اتوسل ترحم بحالي
ما يرحمونه انـــــــــه واطفالي
وادري مــاتقبل دمعتي تجري
ينكطع نحرك خيمتك تسعر
و اعله اطفالك تهجم العسكر
الاصعب اعليه لمن اتيـــــسر
من اطب ديوان ينكسر ظهري
من يسألوني شحجي ياجلمه
وين ابوفاضل وين ابو اليمه
تعلم بزينب كعبة الحشمه
نظرة الشامت سهم وبصدري
