صور جرحین...بقت بالعین
ضلع امي یبویه وجمرة وداعك
................
ضلع أمي وجرح راسك یبویه واختي صفنتهه
شفت زینب تودع أمي شفتهه وتجري عبرتهه
نفس موقفهه بوداعك تحاول تخفي حیرتهه
صور گعدتهه بعیوني بقت واشلون گعدتهه
تون بسکوت...ضعیف الصوت
ضلع أمي یبویه وجمرة وداعك
..................
تذکرني بوداع أمي یبویه ولوعة الزهره
تشم نحري وتکض صدري واحس بصدرك العبره
عله متن اختي تمد ایدك واشوفن نظرك تفره
اضن راید تسولفلي عله طفي بویه والیجری
خیم والنار.....تعید الصار
ضلع أمي یبویه وجمرة وداعك
..............
تمد ایدك عله الکافل تکض اچفوفه وتشمهن
نظر عینك عله عیونه واشوف دموعك تهلهن
دمع عینك یسولفلي عله بنیاتي وانظرهن
صور طفي وألم وایتام اشوف ونار تحرگهن
اشوف آلام....حرگ الخیام
ضلع أمي یبویه وجمرة وداعك
..................
تطیح دموعك وترسم صور عن چبده مسمومه
شفت بیهن ألم زینب تون یابویه مهضومه
وداع أمي وجرح راسك تشوفه الیجري بدمومه
عجیبه الدنیه غداره گضتهه تعیش محرومه
تشوف الیوم....جرح مسموم
ضلع أمي یبویه وجمرة وداعك
...................
بعد هیهات لمتنه ترد وانعید گعدتنه
دمع وجروح وسوالف ألم دنیتنه راوتنه
بعد أمي وجرح راسك تضم أطفوف دنیتنه
نضمد یاجرح بیهن یبویه هواي جرحتنه
ینور وغاب...عله الاحباب
ضلع أمي یبویه وجمرة وداعك
نسألكم خالص الدعاء
