خلونی خلونی ***یخوانی خلونی
خلونی اودع والدی *** یخوانی خلونی
••••••••••••••••••••••••••••••
خلونی اودع والدی خلونی اهل دمعه
خلونی اضمد للجرح حته یخف وجعه
خلونی وی لیشیعوه اعلگ له انه شمعه
خلونی اطوف اجنازته بدل السبع تسعه
اخذونی اخذونی ** وی حیدره اخذونی
یاللی تشیعون النعش ** ویاه دفنونی
••••••••••••••••••••••••••••••••••••
وارونی ابگبر الابو ویاه دفنونی
و امن ابچی و انحب یاعلی لا لا تلومونی
خابت آمالی و منیتی و رجوای و اظنونی
یا ریت گبره ابمهجتی و مایطفه چانونی
دمعاتی هماله **دمعاتی هماله
والله الفگد حیدر علی ** انعمن اعیونی
••••••••••○○••••••••••••••••••••••
اتگله یا بویه علی بعدک منو الکافل
ابچی و اموت ابغصتی و الدمعتی اهمل
یا بویه ابقه حایره و النوحی ما بطل
یاریت یاخذنی الاجل بالعاجل العاجل
یا بویه یا بویه ** حیدره یا بویه
یالعفت زینب حایره ** یا نور لعیونی
••••••••••••••••••••••••••••••••••••••
عباس و احسین و حسن شبتهم الغیره
گالو اختنه نکفلچ مانرضه الچ حیره
لهناک حیدر بالبچی آمر ابتدبیره
عباس گال الهم هوه الکافل و لا غیره
یولیدی یا کافل ** یبنی یبو فاضل
اختک.وحیده ابشاربک ** ترعوهه ترعونی
•••••••••••••••••••••••••••••••••••••••
اتکفل الحره الماجده و انکفل احسینه
باقی علی عهد الذی بس اله تعیینه
ما بطل امن اکفالته و انطاهه چفینه قدم ابو فاضل لخوه اچفوفه وی عینه
عباسی عباسی ** یا فخر نوماسی
استوحونی هالعده ** ماظن یرحمونی
