يا قمر فوق الرمُح * دمعتك تضوي الصبُح

لحظه اوقف واستمع * اشتكي لك چم جرح

عمي عباس عمي عباس

◆◇◆◈◆◇◆

عمي يا عباس أنه سكنه التودها

أخبرك زينب صفت بيد اليضدها

چم عدو يضربها وايدمّي عضدها

شوف من فوق الرمح امورمه خدها

.

يا غيور و يا أبي * ترضى اختك تنسبي؟

عالرمح تنظر لها * من يسبها الاجنبي

.

عمي عباس عمي عباس

.

◆◇◆◈◆◇◆

.

بالسمه يضوي جمالك يا قمرنه

تمطر ادموم و يهل مدمع مطرنه

عالرمح تتفقد و تنظر أمرنه

مثل أبونه انكسر بعدك ظهرنه

.

ابشبابي انحنيت * و ابفراقك ابتليت

اوقع ابوسط الدرب * و انت عالرمحك بچيت

.

عمي عباس عمي عباس

.

◆◇◆◈◆◇◆

.

ترضه يا عمي إذا قتلك سبوني؟

سلبوني و يشتموني و ورموني

لو صحت وينك يعمي يضربوني

اقره باقي امصيبتي من دم عيوني

.

يا كفيل العايله * انه چنت امدلله

هسه انطگ و اطيح * بيد زجر و حرمله

.

عمي عباس عمي عباس

.

◆◇◆◈◆◇◆

.

يا بوفاضل انظر ابعينك رقيه

خدها مدمي وتشبه الأمها الزچيه

بالسلاسل قيدوا چفها بديه

بالخرابه ما شفتها بالمنيه

.

لو أكمِّل اشجره * خوفي توقع عالثره

من عُظُم كل هالمصاب * ريت عمري اهجره

.

عمي عباس عمي عباس

نسألكم خالص الدعاء.